Өнөөдөр ч сайхан өдөр байлаа. Орчуулга хийх ёстой байснаа шөнө хиймээр байсан боловч нүд өвдөөд болохгүй байсан болохоор унтаад эрт босч хийе гэсэн санаатайгаар нэг найзыгаа өглөө 4-өөс сэрээгээч гэж гуйгаад, дуу татаж эхлүүлчихээд дүүгээ унтраагаарай гэж гуйгаад нам унтаад өгчихсөн.

Хөөрхөн найз маань яг л сэрээгээд. Хальт сэрээд яах вэ гэж бодож байгаад буцаад унтчихсан байна лээ. Өглөө сэрээд харсан чинь бас хэдэн sms биччихсэн байсан. Тэгээд ажилаасаа чөлөө аваад гэртээ сайхан өглөөг өнгөрөөлөө ш дээ. Орчуулгаа ч хийгээд дуусгачихсан.

Ажил дээрээ үдээс хойш ирээд хурдхан шиг юмнуудаа амжуулаад бороо орж байсан тул гарч алхахын бөөн хүслэн болов.

LP-д Ladyz тэргүүтэй хэдэн нөхөдтэй уулзахаар тохирсон тул ажлаа амжуулчихаад дуусгаагүй байсан киногоо дуусгачихаад сайхан алхлаа. Бороо ороод л углаашта эгч хөөрхөн маматай алхаад л. LP-д жаал сууж байгаад 2 дүүтэйгээ Зайсан гарлаа.

Бороо ширүүн дээрээс ороод л бид хэд сайхан хамгийн доод шатнаас нь дээр хүртэл ньшатаар өгсөөд л. Уйлаагүй ч уйлж байгаа нь мэдэгдэхээргүй нүүрээр бороо урсаж, бүх хувцас шалба норсон.

Ойрд ингэж сайхан нороогүй үнэхээр сайхан байлаа. Бороогоор байгаль дэлхий цангаж байсан шиг би ч бас санасан бололтой. Бага байхдаа зуслан дээр бороонд эрх чөлөөтэй гүйж байсан шигээ л эрх чөлөөтэй, carefree сайхан байв.

Хөөрхөн хоёр дүүтэйгээ хамтдаа цагийг өнгөрүүлж амждаггүй надад сайхан л мөчүүд байлаа. Машиндаа дуугаа чангаар тавьчихсан дагаж хамаг чангаараа дуулаад л , норсон хувцасаа хальт тайлчихсан. Гэртээ ирчээд л халуун хөнжил рүү нь шууд хэвтүүлээд халуун сүү өгөөд л. Ээж, аав байхгүй дураараа амар ч юм уу даа .

Бороотой үдшийн зугаалга ингээд дуусаагүй ээ. Одоо уншиж байгаа номоо дуусгахаар л дуусах байх даа.